ନୂଆଦିଲ୍ଲୀ ୩୦।୧୨; ଭୂକମ୍ପରେ ପୁଣି ଥରିଲା ଫିଲିପାଇନ୍ସ । ସୋମବାର ଫିଲିପାଇନ୍ସରେ ଏକ ଭୂକମ୍ପ ଅନୁଭୂତ ହୋଇଥିଲା। ଦେଶର ଲୁଜନ ସହରରେ ଭୂକମ୍ପ ଯୋଗୁଁ ଆତଙ୍କ ଖେଳିଗଲା। ରିଚ୍ଟର ସ୍କେଲରେ ଭୂକମ୍ପର ତୀବ୍ରତା ୫.୬ ଥିଲା । ଜର୍ମାନ ରିସର୍ଚ୍ଚ ସେଣ୍ଟର ଫର ଜିଓ ସାଇନ୍ସ (GFZ) ଏହି ଭୂକମ୍ପକୁ ନିଶ୍ଚିତ କରି କହିଛି ଯେ ସୋମବାର ସକାଳେ ଫିଲିପାଇନ୍ସର ଲୁଜନରେ ୫.୬ ମ୍ୟାଗ୍ନିଚ୍ୟୁଡର ଏକ ଭୂକମ୍ପ ଘଟିଛି। ଏହି ଭୂକମ୍ପର କେନ୍ଦ୍ରସ୍ଥଳ ପୃଥିବୀ ତଳେ ୧୦ କିଲୋମିଟର ଗଭୀରରେ ଥିଲା।
A magnitude 5.6 earthquake hit the municipality of Burgos in Ilocos Norte on Monday morning, according to the Philippine Institute of Volcanology and Seismology (PHIVOLCS).
— GMA Integrated News (@gmanews) December 30, 2024
READ: https://t.co/8dQGyz5DrT pic.twitter.com/nEP5Es903k
ଫିଲିପାଇନ୍ସର ଭୂକମ୍ପ ବିଭାଗ ଏଜେନ୍ସି କହିଛନ୍ତି ଯେ ଇଲୋକୋସ୍ ପ୍ରଦେଶର ଉତ୍ତର ବାଙ୍ଗୁଇ ସହରରେ ଏହି ଭୂକମ୍ପ ଘଟିଛି। ହେଲେ ଏହି ଭୂକମ୍ପ ଯୋଗୁଁ ଜୀବନ କିମ୍ବା ସମ୍ପତ୍ତି ନଷ୍ଟ ହେବାର କୌଣସି ସୂଚନା ନାହିଁ, ତଥାପି ଏପରି ତୀବ୍ର ଭୂକମ୍ପ ହେତୁ ଅଧିକ ବଡ଼ ଧରଣର ଭୂକମ୍ପ ହେବାର ସମ୍ଭାବନା ରହିଛି। ଫିଲିପାଇନ୍ସରେ ଭୂକମ୍ପ ସାଧାରଣ, କାରଣ ଏହି ଦେଶ ପ୍ରଶାନ୍ତ ମହାସାଗରର ରିଙ୍ଗ ଅଫ ଫାୟାରରେ ଅବସ୍ଥିତ, ଯେଉଁଠାରେ ଆଗ୍ନେୟଗିରି ଉଦ୍ଗୀରଣ ଏବଂ ଭୂକମ୍ପ ଭଳି କାର୍ଯ୍ୟକଳାପ ଜାରି ରହିଛି।
କହିବାକୁ ଗଲେ ଶନିବାର ଦିନ ଭାରତର ଉତ୍ତରାଖଣ୍ଡର ଚାମୋଲି ଜିଲ୍ଲାରେ ଏକ ଭୂକମ୍ପ ଘଟିଛି। ରିଚ୍ଟର ସ୍କେଲରେ ଏହି ଭୂକମ୍ପର ତୀବ୍ରତା ୨.୪ ଥିଲା ଏବଂ ଭୂକମ୍ପ କେନ୍ଦ୍ର ପୃଥିବୀ ତଳେ ୫ କିଲୋମିଟର ଗଭୀରତାରେ ମିଳିଥିଲା। ଜିଲ୍ଲା ବିପର୍ଯ୍ୟୟ ପରିଚାଳନା ଅଧିକାରୀ ଏହି ଭୂକମ୍ପକୁ ନିଶ୍ଚିତ କରିଛନ୍ତି। ଏହି ଭୂକମ୍ପ ପରେ ଚାମୋଲି ଜିଲ୍ଲାରେ ଭୂସ୍ଖଳନ ହେବାର ଚେତାବନୀ ଦିଆଯାଇଛି। ଲୋକଙ୍କୁ ସତର୍କ ରହିବାକୁ କୁହାଯାଇଛି।
